11 November 2017 (Sat)

上一次去東京已經係7年前嘅事，今次主要係帶用同父母去東京近郊，包括鎌倉，高尾山和箱根。

早上六點半就出發到機場，基本上之前果晚我係冇瞓過。過關之後，去翠華食早餐係指定動作。

準時上機，但係估唔到要係機上坐足一個鐘先起到飛，Caption 話因為香港機場太煩忙，要排隊起飛。不過我因為太倦，基本上一上機已經瞓著咗，連套“29+1”都唔夠時間睇完就落機。

搭NEX去新宿，大約1個半鐘就到達新宿JR站，今次入住有隻哥斯拉嘅Hotel Gracery Shinjuku 。第一晚冇安排節目，所以去了“七輪燒肉安安”食燒肉放題。我地點嘅係2800yen嘅餐，另外加點飲品。

第一次送菜，店員會先送餐單上有星“*”的人氣肉類。之後就可以用ipad位點，除了豬牛雞肉之外，野菜，前菜小碟，沙律及白飯都係任食。飲品也可以點任飲，不過要飲3杯以上先回到本，不過我地只係單點飲品，因為估計我地飲唔到3杯噤多，最後每人只飲了兩杯。

豬牛雞的肉質都不錯，因為唔太識分不同部位的肉類，重之每種肉都有點來試試看，不過內臟就冇試。用炭燒非常有風味，這個價格真係非常抵食！順帶一提，日本炭真係好質量，燒了個半鐘個火一樣夠拉猛！

回酒店前，再去7-11買甜品。

Next: 2017 東京近郊賞楓之旅: Day 2 ~ 鐮倉一日小旅行(上)

~住宿篇~